🖼️ #մշակութաPAN (78)

Մշակութային շաբաթը՝ մեր մշակութասեր գործընկերոջ հետ.

Ամենաուշագրավ իրադարձությունների մասին… 🏛️ Արվեստից… ▪️ Պիկասո քանդակագործին բացահայտելու հնարավորությունները շատ չեն, բայց իսպանացի արվեստագետի քանդակները կտավներից ոչ պակաս տպավորիչ են. Իսպանիայում արվեստագետի մահվան 50֊րդ տարելիցի կապակցությամբ կցուցադրվեն նրա քանդակները՝ https://bit.ly/48Q3Jbf

▪️ Վան Գոգին էլ բացահայտող հերթական ցուցադրությունն է բացվել Ամստերդամում. Փարիզի արվարձաններից մինչև Սեն գետ, նկարչի հազվադեպ ցուցադրված կտավները մեկ վայրում են՝ https://bit.ly/3ZYqfdH

🇦🇲 Այս տարի պետականորեն նշվում է Հայաստանի ժողովրդական նկարիչ, քանդակագործ Ղուկաս Չուբարյանի ծննդյան 100 ամյակը. Այդ առիթով հոկտեմբերի 18-ից Մատենադարանում կբացվի Չուբարյանի 30 քանդակի բացառիկ ցուցադրությունը՝ https://bit.ly/46MUkPy

🏛️ Թվային արվեստից… ▪️ ՅՈՒՆԵՍԿՕ-ն և Ինտերպոլը համատեղ վիրտուալ թանգարան են ստեղծում, որտեղ ներկայացված կլինեն գողացված արտեֆակտերը. Եթե այլ թանգարանների դեպքում գլխավոր նպատակը հավաքածուն ընդլայնելն է, ապա այս դեպքում հաջողությունը կչափվի աստիճանաբար դատարկվող ցանկով՝ https://bit.ly/3M3Mqte

▪️ Արհեստական բանականությունը գերազանցում է ինքն իրեն. Հիմա էլ AI-ի միջոցով հիպնոսային օպտիկական արվեստ է ստեղծվելու։ Փորձագետներն այստեղ անվտանգային խնդիրներ են տեսնում՝ https://bit.ly/3RWYoZy

▪️ AI-ի միջոցով ստեղծված ինտերակտիվ դիմանկարներն էլ փորձում են ցույց տալ մարդկային զգացմունքները՝ https://bit.ly/46EfEYc

📷 Լուսանկարչությունից…
▪️ Ավստրալիայի լուսանկարների փառատոնն արհեստական բանականության ստեղծած լուսանկարները մերժելուն այլընտանք է գտել. AI-ի համար առանձին անվանակարգ են ստեղծել՝ https://bit.ly/3FlUmCu

▪️ Երեք լուսանկարիչ աշխարհի տարբեր ծայրերում իրարից խիստ տարբերվող ոճով ու մեթոդներով լուսանկարներ են արել. Հետո դրանց մեջ ընդհանուր թեմա են գտել և մարդկային հոգեվիճակն արտացոլող լուսանկարները Նյու Յորքում ներկայացնում են համատեղ ցուցադրությամբ՝ https://bit.ly/3tyeij0

🇦🇲 «Խոշոր պլանում՝ թռչունները». Երևանում լուսանկարիչ Վիվեկ Մենոնի ցուցահանդեսն այցելուներին հրավիրում է կանգ առնել և գնահատել մեր մոլորակը կիսող թռչուններին, այսօր ցուցադրության վերջին օրն է՝ https://bit.ly/45ABri2

🎬 Կինոյից… ▪️ Դարրեն Արոնոֆսկու նոր գիտաֆանտաստիկ ֆիլմը միանգամից մի քանի կետով դարձել է կինոյի պատմության մեջ առաջինը, ու «առաջինն են եղել» անգամ ֆիլմի վերջին 90 վայրկյաններին, երբ անձնակազմի բոլոր 2000 անդամների անունները հայտնվել են մեկ կադրում՝ https://bit.ly/46JthF0

▪️ Գերմանացի ռեժիսորներն էլ ստիպված են եղել Հիտլերի մասին ֆիլմը նկարել Սլովակիայում և գաղտնի ռեժիմով. Գերմանիան դեմ է Հիտլերին որպես առանցքային կերպար ներկայացնող ֆիլմերին` վախենում են, որ մարդիկ իրենց կհամեմատեն ու կնույնացնեն նրա հետ՝ https://bit.ly/3ZWVh5G

▪️ Մեծ Բրիտանիայում էլ զարգանում են անկախ կինոթատրոնները. 1500-ից ավելի փոքր, հարմար և մարդկանց իրար կապող կինոթատրոնի մասին պատմում են դրանք ստեղծողները՝ https://bit.ly/3Fk7LLf

🎻 Դասական երաժշտությունից… ▪️ «9-րդի անեծքին» հավատացող մարդիկ կարծում էին, թե կոմպոզիտորների ճակատագիրն է մահանալ 9֊րդ սիմֆոնիան գրելու ընթացքում կամ դրանից հետո։ Ի՞նչ էր իրականում 9-րդի անեծքը. դավադրության տեսությո՞ւն, ճակատագի՞ր, թե՞ դեպքերի տրամաբանական շղթա՝ https://bit.ly/46xWXoW

▪️ 1958-ին օպերային երգչուհի Մարիա Կալասը Փարիզի օպերայում հանդես եկավ դեբյուտ գալա-համերգով. Օպերային պատմության մեջ այս օրը նշանավորվեց այնքան, որ դարձավ ֆիլմ ու նոր մատուցմամբ ներկայացվելու է նաև նոր սերնդին՝ https://bit.ly/3s0hIdF

🇦🇲 Հոկտեմբերի 26-ին էլ Արամ Խաչատրյան համերգասրահում տեղի կունենա թավջութակահար Կամիլ Թոմայի և Հայաստանի պետական սիմֆոնիկ նվագախմբի համերգը՝ https://bit.ly/45yramy